Ака уйăхĕн 27-мĕшĕнче чăваш чĕлхи эрнине тата Чăваш патшалăх академии драма театрĕ 100 çул тултарнине халалласа ирттернĕ тепĕр мероприяти – асăннă театрăн Чăваш республикин тава тивĕçлĕ артисчĕпе Петр Петрович Садовниковпа тĕлпулу ирттерни пулчĕ. Çак тĕлпулăва 9-мĕш тата 11-мĕш класра вĕренекен ачасем хутшăнчĕç. Ачасем хăнана хăйсене интереслентерекен тĕрлĕ ыйту пачĕç. Петр Петрович вара ыйтусем çине хуравланă май вĕренекенсене чăвашлăх, чăваш театрĕ, театрти тĕрлĕ тапхăрти артистсем, актер ăсталăхĕ, театр искусствин Аслă вĕренÿ заведенийĕсем, хăйĕн ачалăхĕнчи ĕмĕчĕ театрпа çыхăнни тата çак искусствăна çывăх нумай интереслĕ темăсене уçса пачĕ. Хăна ачасене парнесемпе хавхалантарма та манмарĕ. Аслă классенче вĕренекенсемшĕн çакăн пек интереслĕ, кăсăклă темăсене сÿтсе явса çакна евĕр тĕлпулусем ирттерни, чăннипех те, усăллă пулни курăнчĕ. Çакă ачасен кăмăл-туйăмĕнче те палăрчĕ.